هناك يا أورفيوس

Tags

209108718_ba07fef973_o

-

وكأنها لم تكن

تملكه الشوق ..  فالتفت ينظر لوجهها .. ليبصر وجها كبياض الثلج .. وجسدا مزقته الهة الكره و أرباب النشوة الدموية

الجميلة يوريديس .. الصهباء روحا ..

للحظة .. تباطئ الزمن بقسوة .. لم يتوقف .. فقط .. لحظة .. لينظر اليها عاشقها أورفيوس.. وهي تتخاطفها ارواح قميئة نجسة.. وتختطفها الى مكان عانى الأمرين ليعيدها منه

كانت هي يوريديس .. وكنت أنا أورفيوس

لرحلة لعالم أخر.. مرة أخرى .. سأذهب للبحث عنها

سأجدها .. وساخذها معي لمكان أخر .. لأرض أكثر حنواً أرواحها

فهذة الأرض .. لا تستحقها

هراء بالخاء

5

كل وقت و آخر .. عليك عزيزي أن تفرغ دماغك من الهراء – بالخاء – الذي يملأه .. لتفسح مكانا من أجل هراء – بالخاء – جديد ليحل محله .. لا يجب ان تمنع الهراء من دخول ثنايا عقلك .. فقط استبدله كل وقت و اخر بهراء طازج

الموقف شديد الوضوح  في غموضه .. و شديد التعقيد في بساطته .. كل ما نعلمه حتى اللحظة.. أن تلك اللحظة لم تأت بعد

سيخبرك بعضهم – ولعلهم  كثيرون – أن عددنا أصبح قليلا ,, لا تستمع لهم .. فأنت وحدك تماما منذ البدأ .. هذا أيضا من الهراء

و سيخبرك بعضهم – غير السالف ذكرهم – أنه لا أمل حاليا في مستقبل جيد على الأطلاق .. أيضا لا تصغ لهم .. فأنت بالفعل قد عبرت للمستقبل منذ لحظات .. هناك ماض و مستقبل .. والحاضر كذبة من كذب قنوات الأخبار ذوات المذيعات الشمطاوات

الحقيقة واضحة وضوح  الشمس .. ان كنت تنظر للشمس من سحابة أوورت .. خلف كوكب نبتون

الحقيقة وجهة نظر .. ووجهة النظر تتطور لرأي .. و اراء جميع البشر هراء .. اللهم إلا الاطفال و و السكارى – بمخدر لا بخمر-  ومجذوبو  العقل

هل تفهم ما أقول ؟ بالطبع لا .. لأنك مليئ بالهراء .. أنا ايضا مليئ بالكثير منه ..  لكن هراءك غير هرائي .. لذلك انت غبي .. و أنا أغبى من ان استوعب هراءك

فقط أريد أن أدخلك الى عالم موازي كوكب الأرض فيه عبارة عن محل لمكتبة كتب قديمة تحت شلال يتساقط نحو السماء .. و أصمت و أنظر لك .. فتسمع صدى صوت ..

فالجدير بالذكر .. ان لا شيئ جدير بالذكر

All The Hidden States ..

Tags

Art by Vadim Stein

Art by Vadim Stein

-

Dysphoria..

Enthrallment ..

Normopathy ..

Abjection ..

Sublimation ..

Repetition Compulsion ..

Repressive Desublimation ..

Aporia ..

Compersion ..

-

 And All The Hidden States Being Acquainted

But Only Adoration .. Is The One That Seems Coherent .. Transpicuous .. Conspicuous

Veracious I Hope It’ll Be .. Serene I Hope It’ll Endure

-

***

طفلين

Tags

طفلين .. أكتر طفلين أثروا فيا في السنة الأخيرة من الثورة

علاء

_________

طفل ال 12 سنة.. أصغر من تعرض للتعذيب البشع على ايد الاخوان عند فضهم للاعتصام السلمي امام قصر الاتحادية يوم 5 ديسمبر   2012,

الولد اول ما دخل النيابه كان مرعوب بعد اللي شافه, و متحامي في اتنين من الشباب الاكبر منه اللي تعرضو لنفس التعذيب البشع,

رحتله .. قلتله خليني اصورك عشان نثبت اللي بيحصل

بدأ يعيط بشده, وطى على ايدي حاول يبوسها .. قاللي : و النبي يا استاذ .. والنبي متفضحنيش

قفلت الكاميرا, وقعدته على الارض, وكلته و شربته, وقلتله ماتخافش يا حبيبي .. انا و كل المحاميين اللي انت شايفهم دول هنا عشانكو..ومعاكم لحد ما نطلعكو..

علاء قام .. مسح دموعه .. وشد هدومه.. وراح رافع ايده بعلامة النصر.. ومارضيش ينزلها غير لما اصوره كده

photo

-

علاء دخل التحقيق ..ونام وسطه .. وكيل النيابه سابله الاوضه ينام .. وشيلناه نزلناه على عربية الترحيلات مش عارف يقوم من التعب

-

photo (1)

-

كانت رحلة بعديها ساعدنا فيها ناس عشان نوصل لاهله في قرية صغيرة في الصعيد.. الساعة تلاته بليل.. ممعناش تليفونات ولا عنوان غير اسم القرية واسم علته, وأحد المتطوعين نزل لف على البيوت يسأل

علاء لما رفع ايده بعلامة النصر عشان يتصور, بعد تعذيب بشع شافه عقله الصغير… انا تنحت.. مكنتش متوقعها من طفل صغير .. و اتحفرت في ذاكرتي من ساعتها

-

-

***

-

عمر

______________

مش صورته و هو مقتول .. و رصاصتين في قلبه و في دماغه هي اللي صدمتني

-

BC8QZKWCMAA0GX2

لأ .. صورته و هو نايم جنب الرصيف في التحرير في أحد الاعتصامات .. سلسله طويله من التعب و الذل و الهم ..انتهت بقتله علي ايد ضابط جيش بعيدعن عينينا لوحده .. و مرواحه المشرحة لوحده .. ويتدفن في صمت

-

BC79CRJCcAEljX8

-

يوصل الحال بيهم لإيه عشان يعملوا في طفل كده!  ويتحاموا كلهم للضابط و يحاولو يطرمخو على الموضوع ؟

حصل ايه في عشان يبقى عندنا ناس بالمناظر دي عايش وسطنا؟

طب احنا في منظوركم نستاهل القتل عشان بنشكك في سلطاتكم و بنحارب طغيانكم .. ده راعبكم  في ايه؟ ..

طفل اكبر سعادته خمسه جنيه زياده يرجع بيها لأمه و اخواته من شغل على عربية بطاطا هالكانه في التحرير

عمر اختار – على سنه – يبقى وسطنا .. و مات بينا .. ومش شايفينه

-

_

اكتشفت لما صورته الواضحه ظهرت في الفيديو ده.. اني شفته و اشتريت منه  .. قاللي :  بالملح يا استاذ؟ قلتله اه .. عرفت منين ؟ قاللي خدت مني قبل كده وقلتلي كترلي اللملح .. مش كله بيحب البطاطا بالملح

ابتسمت .. اديته اتنين جنيه زياده وساندوتش زياده معانا .. ومشيت

-

****

الآخر

Tags

_mfrcsaaDiC1rzascro1_500

-

كل قبضه أو اشتباكات .. كانت بتاخد اسبوع بالكتير .. و تخلص..

اسبوع كان كافي ان الكآبه اللي بتيجي بعد الاشتباكات.. وبعد الموت .. وبعد الدم.. تيجي بعد ما كله يخلص.. تكتئب و تنزوي لوحدك.. بعد ما تك,ن خلصت مساعدة و مواساة اصحاب المصاب الأعظم

المرادي مش راضيه تخلص .. مش راضيه تخلص.. و العنف اكتر من اي مره.. و الوحشيه فوق اي وصف ..

مابقيتش في الشارع و في الاشتباكات .. بقت في كل وقت .. وفي كل مكان .. وفي أي حته

كل ما ماتيجي مصيبه و اقول اثبت .. مايعديش يوم و يرتكبوا الافظع

البنات بتغتصب و بتتعذب .. الشباب بيغتصب و بيتعذب .. الاطفال بتغتصب و بتتعذب

وكله بيموت .. كله بيموت

يا تتحول لحجر و تكمل شغل بدون ما تشخصن الامور وتحس باللي بيحصل

يا تكمل تدلق روحك جوه كل مصيبه وتسيبها تاخد منها حته..  وتنهار ببطء

-

هجنن .. هفقد يا عقلي يا روحي

ما بقيتش عارف .. ما بقيتش قادر

-

عارف اني هكمل للآخر ..  ومش عارف هوصل هناك شكلي عامل ازاي

-

***

-

Follow

Get every new post delivered to your Inbox.

Join 20,152 other followers